Utankjörfundaratkvæðagreiðsla er hafin 

Utankjörfundaratkvæðagreiðsla hjá sýslumönnum og utanríkisþjónustunni er hafin. Leiðbeiningar fyrir kjósendur og upplýsingar um kjörstaði má nálgast á vef stjórnarráðsins.

Utankjörfundarskrifstofa Sjálfstæðisflokksins er í Valhöll og þangað má leita eftir upplýsingum og aðstoð í síma 8203040 eða á netfangið utank@xd.is. Þangað má einnig senda utankjörfundaratkvæði í sendiumslögum merktum kjósanda, við komum þeim í rétt kjördæmi. Verkefnisstjóri utankjörfundarskrifstofu er Sigríður Erla Sturludóttir. 

Spurt og svarað varðandi kjósendur með lögheimili erlendis 

Hverjir þurfa sækja um að vera á kjörskrá?

• Íslenskir ríkisborgarar sem hafa átt lögheimili erlendis lengur en 16 ár (talið frá 1. desember árið áður en kosningar eru haldnar) verða að sækja um til Þjóðskrá um að verða teknir á kjörskrá.
• Fullnægjandi umsókn þarf að hafa borist Þjóðskrá í síðasta lagi 18. nóvember skv. sérlögum sem Alþingi setti nýverið.

     Umsókn þarf að uppfylla eftirfarandi skilyrði:

• Umsækjandi verður að hafa íslenskan ríkisborgararétt.
• Umsækjandi þarf að vera orðinn 18 ára á kjördag.
• Umsækjandi þarf að hafa átt lögheimili á Íslandi.

Uppfylli umsókn ofangreind skilyrði verður viðkomandi einstaklingur tekinn á kjörskrá næstu 4 ár á eftir - sjá nánar hér á vef Þjóðskrár Íslands.

Hvar get ég kosið? 

• Kjósendur með lögheimili erlendis geta kosið í sendiráðum og hjá ræðismönnum erlendis. Sjá upplýsingar á vef utanríkisráðuneytisins.

• Kjósendur sem staddir á Íslandi á tímabilinu 7. nóvember – 30. nóvember geta einnig kosið hjá sýslumönnum og á utankjörfundarkjörstöðum. 

• Kjósendur eru minntir á að hafa skilríki með sér á kjörstað. 

Hvernig veit ég hvort ég sé á kjörskrá og hvert lendir atkvæði mitt? 

• Kjörskrá hefur verið birt, sjá upplýsingar á vef Þjóðskrár.
• Atkvæði kjósenda með erlent lögheimili, sem búið hafa skemur en 16 ár erlendis, talið frá 1. desember næstum fyrir kjördag, lendir í því kjördæmi sem kjósandi var síðast með lögheimili skráð á Íslandi. 

• Ef kjósandi var síðast með lögheimili á Íslandi fyrir innan við 16 árum, talið frá 1. desember næstum fyrir kjördag, er hann enn á kjörskrá. 

• Ef kjósandi hefur aldrei átt lögheimili á Íslandi getur hann ekki kært sig inn á kjörskrá. 

Hvernig fer utankjörfundaratkvæðagreiðsla fram? 

• Kjósandi þarf alltaf að  gera grein fyrir sér með löggiltum persónuskilríkjum; vegabréfi, ökuskírteini eða nafnskírteini, til þess að fá kjörgögn afhent.  

• Kjörgögn eru; kjörseðil, kjörseðilsumslag, fylgibréf og sendiumslag. 

• Kjörseðil er alveg auður. Á hann skrifar eða stimplar kjósandi D 

• Kjörseðillinn fer í kjörseðilsumslagið og skal það límt aftur og ekkert er skrifað á það. 

• Því næst fyllir kjósandi út fylgibréfið og undirritar það í viðurvist kjörstjóra sem vottar atkvæðagreiðsluna. 

• Kjörseðilsumslagið og fylgibréfið fara saman í sendiumslag sem fylgir kjörgögnum. Á framhlið þess skal rita heimilisfang sýslumanns eða kjörstjórnar sem viðkomandi telur sig vera á kjörskrá hjá. Á bakhlið skal alltaf rita nafn, kennitölu og lögheimili kjósanda líkt og fram kemur á umslagi. 

• Ef atkvæðagreiðslan fer fram í umdæmi sýslumanns þar sem kjósandi á lögheimili, býðst að skilja atkvæðið eftir í kjörkassa. 

• Ef kjósandi greiðir atkvæði í öðru umdæmi eða erlendis, annast hann sjálfur sendingu atkvæðis síns kjörstjórnar sem hann telur sig vera á kjörskrá hjá eða til Sjálfstæðisflokksins - utankjörfundarskrifstofu , Háaleitisbraut 1, 105 RVK og kosningaskrifstofa okkar um land allt. Við komum atkvæðum til skila í rétt kjördæmi fyrir lokun kjörstaða á kjördag. 

• Samkvæmt lögum er kjörstjóra skylt, ef kjósandi óskar þess, að koma bréfinu í póst á kostnað kjósanda en við ráðleggjum fólki að koma atkvæði sínu sjálft til skila með skráðum pósti svo öruggt sé að það berist í tæka tíð og óskráðum pósti ef tíminn er skammur. 

• Atkvæðisbréfið þarf að hafa borist kjörstjórn eða í einhverja kjördeild í kjördæmi kjósanda fyrir lokun kjörstaða á kjördag.