Landsfundur 2010

39. landsfundur Sjálfstæðisflokksins fór fram í Laugardalshöll dagana 25. – 26. júní 2010. Yfirskrift fundarins var „Frelsi – ábyrgð – umhyggja“. Landsfundur fer með æðsta vald í málefnum flokksins og þar er stefna hans mótuð af vel á annað þúsund fulltrúa. Landsfundur Sjálfstæðisflokksins er ein stærsta lýðræðissamkoma á Íslandi og störf hans hafa mikil áhrif, bæði inn í stjórnmálin en einnig út á við til þjóðarinnar.

Ályktanir 39. landsfundar Sjálfstæðisflokksins má finna hér.

Kosningar

Kosningar fóru fram í embætti formanns og varaformanns. Úrslit urðu þessi:

Formaður

  • Bjarni Benediktsson var endurkjörinn formaður flokksins með 573 atkvæðum eða 62%.
  • Pétur H. Blöndal hlaut 281 atkvæði eða 30,3%.

Varaformaður

  • Ólöf Nordal var kjörin varaformaður með 692 atkvæði eða 70%.
  • Lára Óskarsdóttir hlaut 155 atkvæði eða 17%.