Grænlandsnefnd utanríkis- og þróunarsamvinnuráðherra hefur skilað skýrslu með tillögum um aukið samstarf Grænlands og Íslands. Í skýrslu nefndarinnar, sem ber titilinn Samstarf Grænlands og Íslands á nýjum Norðurslóðum, er ítarleg greining á núverandi stöðu tvíhliða samskipta landanna og kynntar 99 tillögur um aukna samvinnu á fjölmörgum sviðum. Þá er fjallað um land og samfélag, stjórnskipulag og stjórnmál á Grænlandi frá ýmsum hliðum. Össur Skarphéðinsson leiddi starf nefndarinnar sem að auki var skipuð Unni Brá Konráðsdóttur og Óttari Guðlaugssyni.

Sjá nánar hér á vef utanríkisráðuneytisins.