Prófkjör í Rangárþingi ytra 7. febrúar

Auglýst er eftir framboðum til prófkjörs D listans í Rangárþingi ytra fyrir komandi sveitarstjórnarkosningar. Frambjóðendur skulu vera kjörgengir í næstu sveitarstjórnarkosningum, flokksbundnir sjálfstæðismenn og búsettir í Rangárþingi ytra.

Prófkjörið fer fram laugardaginn 7. febrúar 2026.

Framboðsfrestur rennur út sunnudaginn 16. janúar klukkan 23:59.

Frambjóðendur

Frambjóðendur eru hvattir til að kynna sér vel Prófkjörsreglur flokksins sem og þau ákvæði sem finna má í skipulagsreglum Sjálfstæðisflokksins varðandi prófkjör og framboðsmál.

Skil á framboði

Framboðsfrestur rennur út föstudaginn 16. janúar 2026 klukkan 23:59.

Framboði er skilað rafrænt inn á mínum síðum á xd.is

Hver frambjóðandi skal skila inn meðmælum með framboði sínu frá 20 flokksbundnum sjálfstæðismönnum búsettum í Rangárþingi ytra, hið minnsta. Tekið skal fram að enginn meðmælandi má mæla með fleirum en fjórum frambjóðendum.

Frambjóðendur sjá um að skrá meðmælendur inn á rafræna umsókn með framboði ásamt því að senda undirritanir meðmælenda með umsókn sinni.

Frambjóðendur geta nálgast eyðublað til að safna meðmælum í prófkjörinu hér.

Hver og einn frambjóðandi skal skila ljósmynd og allt að 200 orða kynningartexta með framboði sínu. Efnið verður notað til að kynna frambjóðendur. Frambjóðendum er að auki heimilt að láta fylgja með ferilskrá og senda með hlekki inn á heimasíðu, samfélagsmiðla og annað sem tengist framboði þeirra.

Allar nánari upplýsingar veitir Helena Kjartansdóttir, formaður kjörnefndar í Rangárþingi ytra. Sími: 846 3908 Netfang: helenakj72@gmail.com

Í kjörnefnd sitja; Helena Kjartansdóttir, formaður, Erna Sigurðardóttir, Helgi Ármannsson, Íris Björk Sigurðardóttir, Hjalti Tómasson, Sólrún Helga Guðmundsdóttir og Erlendur Ingvarsson.