Auglýst er eftir framboðum til leiðtogaprófkjörs Sjálfstæðisflokksins í Reykjanesbæ fyrir komandi sveitarstjórnarkosningar. Frambjóðendur skulu vera kjörgengir í næstu sveitarstjórnarkosningum, flokksbundnir sjálfstæðismenn og búsettir í Reykjanesbæ.

Prófkjörið fer fram laugardaginn 31. janúar 2026.

Framboðsfrestur rennur út föstudaginn 16. janúar klukkan 12:00.

Frambjóðendur

Frambjóðendur eru hvattir til að kynna sér vel Prófkjörsreglur flokksins sem og þau ákvæði sem finna má í skipulagsreglum Sjálfstæðisflokksins varðandi prófkjör og framboðsmál.

Skil á framboði

Framboðsfrestur rennur út föstudaginn 16. janúar 2026 klukkan 12:00.

Framboði er skilað rafrænt inn á mínum síðum á xd.is

Hver frambjóðandi skal skila inn meðmælum með framboði sínu frá 20 flokksbundnum sjálfstæðismönnum búsettum í Reykjanesbæ, hið minnsta. Tekið skal fram að enginn meðmælandi má mæla með fleirum en einum frambjóðanda.
Frambjóðendur sjá um að skrá meðmælendur inn á rafræna umsókn með framboði ásamt því að senda undirritanir meðmælenda með umsókn sinni.

Hver og einn frambjóðandi skal skila ljósmynd og allt að 200 orða kynningartexta með framboði sínu. Efnið verður notað til að kynna frambjóðendur. Frambjóðendum er að auki heimilt að láta fylgja með ferilskrá og senda með hlekki inn á heimasíðu, samfélagsmiðla og annað sem tengist framboði þeirra.

Til að framboð teljist gilt skal greiða 35.000 kr. inn á reikning fulltrúaráðs Sjálfstæðisflokksins í Reykjanesbæ, nr. 0121-26-011049, kt. 650989-1049, og senda kvittun á netfangið jonahrefna@gmail.com

Allar nánari upplýsingar veitir Jóna Hrefna Bergsteinsdóttir formaður kjörnefndar í Reykjanesbæ.

Sími: 860-5213 / netfang: jonahrefna@gmail.com