Ingvar P. Guðbjörnsson skipar oddvitasæti D-listans í Rangárþingi ytra eftir að atkvæði voru talin í prófkjöri Sjálfstæðisflokksins sem fram fór í dag. Ingvar hefur verið oddviti listans síðan 2022. Hlaut hann 100 atkvæði í 1. sæti eða 65% atkvæða.

Í öðru sæti er Guðmar Aubertsson með 73 atkvæði samanlagt í 1. – 2. sæti eða 47,7% atkvæða.

Í þriðja sæti er Þröstur Sigurðsson með 115 atkvæði í 1. – 3. sæti eða 75,2% atkvæða.

Í fjórða sæti er Sóley Margeirsdóttir með 111 atkvæði í 1. – 4. sæti eða 72,5% atkvæða.

Kosið var um fjögur efstu sæti framboðslistans. Alls tóku 155 þátt í prófkjörinu. Auðir og ógildir seðlar voru 2.