Guðbergur Reynisson bæjarfulltrúi í Reykjanesbæ og framkvæmdastjóri skipar 6. sæti á framboðslista Sjálfstæðisflokksins í Suðurkjördæmi.

Kjördæmisráðið samþykkti fyrr í dag einróma að viðhafa röðun við efstu 6 sæti á framboðslistanum og voru tvö í kjöri í 6. sætið; Elín Káradóttir og Guðbergur Reynisson.

Efstu 6 sæti á listanum eru því svohljóðandi eftir röðun:

1. Guðrún Hafsteinsdóttir dómsmálaráðherra
2. Vilhjálmur Árnason alþingismaður og ritari Sjálfstæðisflokksins
3. Ingveldur Anna Sigurðardóttir lögfræðingur og varaþingmaður
4. Gísli Stefánsson bæjarfulltrúi og framkvæmdastjóri
5. Kristín Linda Jónsdóttir sálfræðingur
6. Guðbergur Reynisson bæjarfulltrúi og framkvæmdastjóri

Á dagskrá fundarins liggur fyrir að kjörnefnd geri tillögu að sætum 7-20 á listanum sem verður afgreidd síðar í dag.