Meirihluti íbúa Skagabyggðar og Húnabyggðar kaus með sameiningu sveitarfélaganna tveggja og verða þau því sameinuð 1. ágúst. Þetta kemur fram á mbl.is
Kjörsókn var með besta móti í Skagabyggð þar sem alls greiddu 62 atkvæði eða 92,5% kjörgengra íbúa. 47 greiddu atkvæði með sameiningu en 15 á móti.
Í Húnaþingi greiddu 355 atkvæði eða 37,1% íbúa. 317 studdu sameiningu en 36 voru á móti.
Árið 2022 sameinuðust Blönduósbær og Húnavatnshreppur í Húnabyggð. Íbúar þar voru hinn 1. janúar síðastliðinn 1.263 og íbúar Skagabyggðar 86. Íbúafjöldi hins nýsameinaða sveitarfélags verður því nálægt 1.350. Með sameiningunni eru öll sveitarfélög í A-Húnavatnssýslu utan Skagastrandar sameinuð í eitt.
Skv. sameiningartillögunni verður sveitarstjórn Húnabyggðar sveitarstjórn hins nýsameinaða sveitarfélags út þetta kjörtímabil. Þeir fulltrúar sem sátu í sveitarstjórn Skagabyggðar verða skipaðir í heimastjórn á því svæði. Sjálfstæðisflokurinn og Framsóknarflokkurinn mynda með sér meirihluta í sveitarstjórn.