Bjarni Benediktsson forsætisráðherra og formaður Sjálfstæðisflokksins flytur hátíðarávarp á Austurvelli mánudaginn 17. júní næstkomandi þar sem hann minnist sérstaklega 80 ára afmælis lýðveldis Íslands. Athöfnin hefst kl. 11:10 með því að forseti Íslands hr. Guðni Th. Jóhannesson leggur blómsveig frá íslensku þjóðinni að minnisvarða Jóns Sigurðssonar og í beinu framhaldi flytur Bjarni hátíðarræðu sína.
Ekki væri úr vegi að sjálfstæðisfólk fjölmennti á Austurvöll við þetta tilefni til að minnast þessara merku tímamóta.
Bjarni ávarpar sjálfstæðisfólk í Valhöll
Vörður, fulltrúaráð sjálfstæðisfélaganna í Reykjavík og kjördæmisráð Sjálfstæðisflokksins í Suðvesturkjördæmi bjóða í hátíðarkaffi á þjóðhátíðardaginn 17. júní í Valhöll, Háaleitisbraut 1 frá 13:45-15:30 í tilefni af 80 ára afmæli Lýðveldi Íslands og 95 ára afmæli Sjálfstæðisflokksins.
Bjarni Benediktsson, formaður Sjálfstæðisflokksins og forsætisráðherra, er sérstakur gestur samkomunnar og ávarpar gesti klukkan 14:15.
Lítið endilega og fáið ykkur kaffisopa og með því í tilefni þjóðhátíðardagsins.