Frelsi og ábyrgð einstaklingsins, mannréttindi og jafnræði, eru hornsteinar stefnu Sjálfstæðisflokksins. Góð lífskjör og jafnrétti byggja á jöfnum tækifærum, menntun og fjárhagslegu sjálfstæði einstaklinga. Atvinnufrelsi og eignarréttur eru órjúfanlegur hluti frjáls samfélags. Velferð byggir á öflugu og frjálsu atvinnulífi. Þetta kemur fram í stjórnmálaályktun flokksráðsfundar Sjálfstæðisflokksins 2023, sem haldinn var í gær á Hilton Reykjavík Nordica. Fundinn sóttu vel á fjórða hundrað manns.
Stærsta hagsmunamál Íslendinga er að tryggja efnahagslegan stöðugleika, lækkun verðbólgu og vaxta. Á seinni hluta kjörtímabilsins er nauðsynlegt að ríkisstjórnin forgangsraði verkefnum. Flokksráð leggur sérstaka áherslu á að;
- stórauka græna orkuframleiðslu og byggja undir orkuskipti,
- verja verndarkerfi flóttamanna og koma böndum á kostnað,
- endurskoða samgöngusáttmála höfuðborgarsvæðisins,
- efla löggæslu og baráttu gegn skipulagðri glæpastarfsemi og hryðjuverkaógn,
- styrkja embætti ríkissáttasemjara,
- stuðla að efnahagslegum stöðugleika og lækkun verðbólgu með aðhaldi í ríkisfjármálum þar sem útgjöld verði ekki aukin,
- auka hagræðingu með fækkun stofnana, sölu ríkisfyrirtækja og fjárfestingu í stafrænni stjórnsýslu,