Þórdís Kolbrún Reykfjörð Gylfadóttir varaformaður Sjálfstæðisflokksins og utanríkisráðherra er nú stödd í Kænugarði, höfuðborg Úkraínu. Hún er þar ásamt hópi utanríkisráðherra Norðurlanda og Eystrasaltsríkja til að sýna samstöðu með Úkraínumönnum.
Þetta er í fyrsta skipti síðan innrás Rússa hófst í Úkraínu sem íslenskur ráðamaður heimsækir landið – en tilgangur heimsóknarinnar er að kynna sér aðstæður þar í landi og að hitta úkraínska ráðamenn.