Málefnasamningur Sjálfstæðisflokks, L-lista og Miðflokks í bæjarstjórn Akureyrar kjörtímabilið 2022-2026 var kynntur á kaffihúsinu LYST í Lystigarðinum á Akureyri fyrir nokkrum dögum. Í samningi framboðanna kemur fram að meðal annars sé stefnt að því að stórauka lóðaframboð, komið verður á laggirnar lýðheilsustyrk fyrir tekjulágt og eignaminna eldra fólk og dregið úr kostnaðarþáttöku foreldra og forráðamanna í leik- og grunnskólum svo dæmi séu nefnd.

Heimir Örn Árnason, oddviti Sjálfstæðisflokksins á Akureyri, verður forseti bæjarstjórnar og Lára Halldóra Eiríksdóttir, bæjarfulltrúi, verður formaður SSNE.

Formennska í ráðum og stjórnum verður eftirfarandi:

• Forseti bæjarstjórnar – Sjálfstæðisflokkurinn
• Formaður bæjarráðs – L-listinn
• Fræðslu- og lýðheilsuráð – Sjálfstæðisflokkurinn
• Skipulagsráð – L-listinn
• Umhverfis- og mannvirkjaráð – L-listinn
• Velferðarráð – L-listinn
• Formennska í stjórn SSNE - Sjálfstæðisflokkur
• Formennska í stjórn Norðurorku – Miðflokkurinn
• Formennska í stjórn Hafnarsamlags Norðurlands - Miðflokkurinn