„Ég hef tekið ákvörðun um það að virkja samhliða 44. grein útlendingalaga sem tekur til sameiginlegrar verndar fyrir fjöldaflóttafólk. Það mun gera alla framkvæmd hjá okkur skilvirkari,“ segir Jón Gunnarsson dómsmálaráðherra í samtali við fréttastofu RÚV í gær en með ákvörðun hans er flóttafólki frá Úkraínu sem flýr undan stríðsrekstri Rússa þar í landi auðveldað að koma til Íslands.

Fólkið fær vernd hér á landi án þess að fara í gegnum hefðbundið kerfi.

„Þetta er í fyrsta skipti sem þessu lagaákvæði er beitt á Íslandi. Það eru ákveðin tímamót í því. Landamærin hafa verið opin fyrir þetta fólk og það eru nokkrir sem þegar eru komnir til landsins. En þetta mun einfalda alla vinnu í kringum þetta og gera þetta skilvirkara,“ sagði Jón.

Sjá nánar í frétt RÚV um málið hér.