Lofthelginni lokað fyrir rússneskri flugumferð

Ákveðið hef­ur verið að loka loft­helgi Íslands fyr­ir rúss­neskri flug­um­ferð. Þór­dís Kol­brún Reyk­fjörð Gylfa­dótt­ir varaformaður Sjálfstæðisflokksins og ut­an­rík­is­ráðherra greindi frá þessu á Twitter-síðu sinni í gær. Auk þess var lokað fyr­ir vega­bréfs­árit­an­ir rúss­neskra diplómata, viðskipta­fólks, þing­manna og full­trúa stjórn­valda. Þeir munu því ekki geta komið hingað til lands.

Í nótt flutti fraktflutningavél á vegum íslenskra stjórnvalda búnað til notkunar í Úkraínu, en flogið var með búnaðinn frá Slóveníu til landamæra Úkraínu í samvinnu við þarlend yfirvöld.

„Íslensk stjórnvöld munu halda áfram að leita leiða til þess að koma úkraínsku þjóðinni til aðstoðar með þeim hætti sem er á okkar færi og í samræmi við þeirra óskir og þarfir,“ segir Þórdís Kolbrún á vef utanríkisráðuneytisins.