Friðjón R. Friðjónsson

Friðjón R. Friðjónsson situr í miðstjórn sem formaður upplýsinga- og fræðslunefndar Sjálfstæðisflokksins.

Friðjón er einn eiganda og framkvæmdastjóri KOM ráðgjafar og hefur lengi gegnt trúnaðarstöðum í Sjálfstæðiflokknum.

Hann hefur setið í miðstjórn sem fulltrúi Suðvesturkjördæmis frá árinu 2012 og sat áður í upplýsinga- og fræðslunefnd flokksins á árunum 2003 til 2007 og 2010 til 2012.

Friðjón situr einnig í stjórn hverfafélags Háaleitishverfis en hefur áður setið í stjórnum hverfafélaganna í Austurbæ og Norðurmýri 2003-2005 og Smáíbúða, Bústaða, og Fossvogs 2005-2007.

Friðjón var varaformaður S.u.s. 2003 til 2005 og sat í stjórn S.u.s. 1999 til 2005 og stjórn Heimdallar 1994 til 1996. Friðjón er formaður skólanefndar Menntaskólans við Sund og sat sem varaformaður stjórnar Sinfóníuhljómsveitar Íslands frá 2015 til ársloka 2018. Þá var Friðjón formaður knattspyrnudeildar Vals frá ágúst 2010 út árið 2011. Friðjón sat einnig í stjórn Heimssýnar frá 2004 til 2007.