Anton Kári Halldórsson oddviti D-listans í Rangárþingi eystra

Anton Kári Halldórsson varð efstur í skoðanakönnun D-lista sjálfstæðismanna í Rangárþingi eystra sem fram fór í dag. Anton Kári hlaut 122 atkvæði í 1. sætið eða 90,4% atkvæða en hann sóttist einn eftir sætinu. Í öðru sæti varð Árný Hrund Svavarsdóttir með 84 atkvæði eða 62,2%. Í þriðja sæti varð Sigríður Karólína Viðarsdóttir með 65 atkvæði eða 48,1%. Í fjórða sæti varð Elvar Eyvindsson með 100 atkvæði eða 74,1% atkvæða.

Alls greiddu 148 manns atkvæði. Auðir og ógildir seðlar voru 13 og gild atkvæði 135.

Efstu sex sætin urðu eftirfarandi:

  1. Anton Kári Halldórsson með 122 atkvæði
  2. Árný Hrund Svavarsdóttir með 84 atkvæði í 1. – 2. sæti
  3. Sigríður Karólína Viðarsdóttir með 65 atkvæði í 1. – 3. sæti
  4. Elvar Eyvindsson með 100 atkvæði í 1. – 4. sæti
  5. Sandra Sif Úlfarsdóttir með 63 atkvæði í 1. – 5. sæti
  6. Ágúst Leó Sigurðsson með 68 atkvæði í 1. – 6. sæti

Sjá nánari sundurliðun hér.