Sjálfkjörið í kjörnefnd Varðar

Sjálfkjörið er í kjörnefnd Varðar, fulltrúaráðs Sjálfstæðisfélaganna í Reykjavík. Tólf framboð bárust innan framboðsfrests en fjögur voru dregin til baka. Þau átta sem eftir stóðu samsvara þeim fjölda sem kjósa skal í kjörnefndina og voru þau því sjálfkjörin.

Neðangreindir einstaklingar voru sjálfkjörnir í kjörnefndina:

  • Ágústa Guðmundsdóttir
  • Auðunn Svavar Sigurðsson
  • Friðrik Gunnarsson
  • Gísli Kr. Björnsson
  • Guðlaug Björnsdóttir
  • Helga Kristín Auðunsdóttir
  • Soffía Kristín Þórðardóttir
  • Þorvaldur Tolli Ásgeirsson

Fullskipuð kjörnefnd er skipuð 15 einstaklingum og til viðbótar framangreindum mun stjórn Heimdallar tilnefna einn fulltrúa í nefndina, stjórn Hvatar einn, stjórn Óðins einn og stjórn Varðar, fulltrúaráðs sjálfstæðisfélaganna í Reykjavík, skipar fjóra.

Kjörnefnd starfar í aðdraganda sveitarstjórnarkosninga og hefur það hlutverk að gera tillögu um framboðslista Sjálfstæðisflokksins við sveitarstjórnarkosningar í Reykjavík, sem fram fara 14. maí næstkomandi.