Þór Sigurgeirsson nýr oddviti á Seltjarnarnesi

Þór Sigurgeirsson er nýr oddviti sjálfstæðismanna á Seltjarnarnesi eftir að úrslit í prófkjöri voru kynnt rétt í þessu. Alls tóku 906 manns þátt í prófkjörinu og var kjörsókn 62,4%. Auðir og ógildir seðlar voru 18.

Úrslit fyrir sex efstu sætin eru sem hér segir:

Í 1. sæti er Þór Sigurgeirsson með alls 311 atkvæði.
Í 2. sæti er Ragnhildur Jónsdóttir með 374 atkvæði í 1. – 2. sæti.
Í 3. sæti er Magnús Örn Guðmundsson með 392 atkvæði í 1. – 3. sæti.
Í 4. sæti er Svana Helen Björnsdóttir með 402 atkvæði í 1. – 4. sæti.
Í 5. sæti er Dagbjört Snjólaug Oddsdóttir með 464 atkvæði í 1. – 5. sæti.
Í 6. sæti er Hildigunnur Gunnarsdóttir með 504 atkvæði í 1. – 6. sæti.
Í 7. sæti er Örn Viðar Skúlason með 581 atkvæði í 1. – 7. sæti.