Björn Haraldur Hilmarsson, útibússtjóri, leiðir D-lista Sjálfstæðisflokksins í Snæfellsbæ fyrir komandi sveitarstjórnarkosningar.

Í síðustu bæjarstjórnarkosningum hlaut D-listinn fjóra bæjarfulltrúa af sjö og gefa þrír af þeim kost á sér áfram til forystu, þau Björn Haraldur Hilmarsson, Júníana Björg Óttarsdóttir og Rögnvaldur Ólafsson en formaður bæjarráðs síðustu fjögur ár Kristjana Hermannsdóttir  tekur 13. sæti listans. Ný inn í efstu fjögur sæti listans er Auður Kjartansdóttir, fjármálastjóri, sem skipar þriðja sætið.

Bæjarstjóraefni D-listans er Kristinn Jónasson núverandi bæjarstjóri í Snæfellsbæ, en Kristinn hefur verið bæjarstjóri þar síðan árið 1998 eða í 20 ár.

8 konur og 6 karlar skipa listann.

Listinn í heild:

1. Björn Haraldur Hilmarsson, útibússtjóri
2. Júníana Björg Óttarsdóttir, kaupmaður
3. Auður Kjartansdóttir, fjármálastjóri
4. Rögnvaldur Ólafsson, skrifstofumaður
5. Örvar Már Marteinsson, sjómaður
6. Þorbjörg Erla Halldórsdóttir, lögreglukona
7. Jón Bjarki Jónatansson, sjómaður
8. Þórunn Hilma Svavarsdóttir, bóndi
9. Illugi Jens Jónasson, skipstjóri
10. Lilja Hrund Jóhannsdóttir, matreiðslumaður
11. Þóra Olsen, útgerðarkona
12. Andri Steinn Benediktsson, framkvæmdastjóri
13. Kristjana Hermannsdóttir, skrifstofumaður
14. Margrét Vigfúsdóttir, fyrrverandi afgreiðslustjóri