Framboðslisti Sjálfstæðisflokksins í Fjarðabyggð

Fulltrúaráð Sjálfstæðisflokksins í Fjarðabyggð hefur samþykkt framboðslista Sjálfstæðisflokksins fyrir komandi sveitarstjórnarkosningar, sem fram fara þann 26. maí næstkomandi.

Jens Garðar Helgason, núverandi oddviti flokksins og formaður bæjarráðs, skipar efsta sæti listans en Sjálfstæðisflokkurinn er með þrjá fulltrúa í núverandi bæjarstjórn Fjarðabyggðar. Talsverð endurnýjun er á listanum frá því í kosningunum árið 2014. Konur eru í meirihluta frambjóðenda en listann skipa tíu konur og átta karlar.

Jens Garðar segir það ánægjuefni hversu margir óskuðu eftir sæti og sýndu áhuga, sérstaklega konur. „Það er mikilvægt að ná saman hóp sem á skírskotun í alla byggðakjarna, aldurshópa, málaflokka og þá fjölbreytni sem Fjarðabyggð hefur hvort sem það er í atvinnulífinu, menningu eða íþrótta- og æskulýðsmálum. Ég er mjög ánægður með listann, fólk með mikla reynslu og með ólíkan bakgrunn.“

Tillaga uppstillingarnefndar var samþykkt einróma og fylgir framboðslistinn hér að neðan.

  1. Jens Garðar Helgason, Eskifirði, framkvæmdastjóri
  2. Dýrunn Pála Skaftadóttir, Fáskrúðsfirði, verslunarstjóri
  3. Ragnar Sigurðsson, Reyðarfirði, lögfræðingur
  4. Heimir Gylfason, Neskaupstað, rafeindavirki
  5. Elísabet Esther Sveinsdóttir, Reyðarfirði, fulltrúi mannauðsmála
  6. Sara Atladóttir, Eskifirði, knattspyrnuþjálfari
  7. Arnór Stefánsson, Breiðdalsvík, hótelstjóri
  8. Jóhanna Sigfúsdóttir, Reyðarfirði, innkaupafulltrúi
  9. Sævar Guðjónsson, Eskifirði, leiðsögumaður
  10. Kristín Ágústsdóttir, Neskaupstaður, landfræðingur
  11. Þórdís Mjöll Benediktsdóttir, Eskifirði, leikskólastjóri
  12. Ingibjörg Karlsdóttir, Reyðarfirði, verkefnastjóri
  13. Magnús Karl Ásmundsson, Reyðarfirði, skipuleggjandi
  14. Kristinn Þór Jónasson, Eskifirði, verkstjóri
  15. Svanhildur Björg Pétursdóttir, Reyðarfirði, vélfræðingur
  16. Kjartan Glúmur, Reyðarfirði, kennari
  17. Katrín Pálsdóttir, Neskaupstað, nemi og knattspyrnukona
  18. Dóra Gunnarsdóttir, Fáskrúðsfirði, húsmóðir