Jón Gunnarsson

Fæddur í Reykjavík en hef lengst af verið búsettur í Kópavogi. Ég er kvæntur Höllu Ragnarsdóttur og við eigum 3 börn og 6 barnabörn. Hef setið á Alþingi síðan 2007. Á yfirstandandi kjörtímabili hef ég verið formaður atvinnuveganefndar Alþingis og formaður Íslandsdeildar þingmannaráðstefnunnar um norðurskautsmál.

  • Sækist eftir 2. sæti í Suðvesturkjördæmi
  • Starfsheiti: Alþingismaður
  • Heimasíða: http://jongunnarsson.is

Próf frá málmiðnaðardeild Iðnskólans í Reykjavík 1975. Próf í rekstrar- og viðskiptafræðum EHÍ 1996.

Bóndi að Barkarstöðum í Miðfirði 1981–1985. Yfirmaður auglýsinga- og áskriftadeildar Stöðvar 2 1986–1990. Markaðsstjóri Prentsmiðjunnar Odda 1991–1993. Rak ásamt eiginkonu sinni innflutningsfyritækið Rún ehf. 1994–2004. Framkvæmdastjóri Slysavarnafélagsins Landsbjargar 2005–2007.

Í stjórn kjördæmisráðs Sjálfstæðisflokksins í Norðurlandskjördæmi vestra 1982–1984. Formaður Flugbjörgunarsveitar Vestur-Húnavatnssýslu 1983–1985. Í stjórn Flugbjörgunarsveitarinnar í Reykjavík 1987–1991, formaður 1989–1991. Í stjórn Landsbjargar 1991–1999, varaformaður 1997–1999. Í landsstjórn aðgerðamála björgunarsveita 1992–1997. Formaður Sjávarnytja, félags áhugamanna um skynsamlega nýtingu sjávarafurða, síðan 1995. Í stjórn Slysavarnafélagsins Landsbjargar 1999–2005, formaður 2000–2005. Í stjórn Slysavarnaskóla sjómanna frá 2002-2014. Formaður fulltrúaráðs sjálfstæðisfélaganna í Kópavogi 2003–2008. Í stjórn Sunnuhlíðarsamtakanna í Kópavogi frá 2008.
Yfirlit yfir þingstörf:
Félags- og tryggingamálanefnd 2007–2009 og 2009–2010, sjávarútvegs- og landbúnaðarnefnd 2007–2011, viðskiptanefnd 2007–2009, umhverfisnefnd 2009, iðnaðarnefnd 2010–2011, atvinnuveganefnd 2011–2013 og 2013– (formaður).

Íslandsdeild Vestnorræna ráðsins 2007–2009, Íslandsdeild þingmannaráðstefnunnar um norðurskautsmál 2013– (formaður).