Ólöf Nordal

Ólöf Nordal er innanríkisráðherra og varaformaður Sjálfstæðisflokksins. Hún sat á Alþingi fyrir Norðausturkjördæmi árin 2007-2009 og fyrir Reykjavíkurkjördæmi suður árin 2009-2013.
Eiginmaður Ólafar er Tómas Már Sigurðsson, forstjóri og saman eiga þau fjögur börn; Sigurð f. 1991, Jóhannes f. 1994, Herdísi f. 1996 og Dóru f. 2004.

      Ólöf er fædd í Reykjavík 3. desember 1966. Ólöf varð stúdent frá Menntaskólanum í Reykjavík 1986, lauk lögfræðiprófi við Háskóla Íslands 1994 og fékk málflutningsréttindi fyrir Héraðsdómi árið 1999. Þá lauk hún MBA námi við Háskólann í Reykjavík árið 2002. Foreldrar hennar eru Jóhannes Nordal, f. 11. maí 1924, fyrrverandi seðlabankastjóri og Dóra Guðjónsdóttir Nordal, f. 28. mars 1928, píanóleikari og húsmóðir

      Störf
      Innanríkisráðherra síðan 2014.
      Varaformaður Sjálfstæðisflokksins 2010–2013 og síðan 2015.
      Formaður bankaráðs Seðlabanka Íslands 2013–2014.
      Alþingismaður Norðausturkjördæmis 2007–2009.
      Alþingismaður Reykjavíkurkjördæmis suður 2009–2013.
      Formaður Spes, hjálparsamtaka vegna byggingar barnaþorpa í Afríku.
      Formaður Sjálfstæðiskvennafélagsins Auðar á Austurlandi 2006–2009.
      Framkvæmdastjóri Orkusölunnar 2005–2006.
      Framkvæmdastjóri sölusviðs hjá RARIK 2004–2005 er rafmagnssala var tekin inn í sérstakt fyrirtæki, Orkusöluna.
      Yfirmaður heildsöluviðskipta hjá Landsvirkjun 2002–2004.
      Deildarstjóri viðskiptalögfræðideildar Viðskiptaháskólans á Bifröst 2001–2002.
      Stundakennari í lögfræði við Viðskiptaháskólann á Bifröst 1999–2002.
      Lögfræðingur hjá Verðbréfaþingi Íslands 1999–2001.
      Deildarstjóri í samgönguráðuneyti 1996–1999.Seta í nefndum
      Ólöf sat í allsherjarnefnd árin 2007–2010, samgöngunefnd 2007–2009, umhverfisnefnd 2007–2009, fjárlaganefnd 2009–2010, kjörbréfanefnd 2009–2011, sérnefnd um stjórnarskrármál 2010–2011, utanríkismálanefnd 2010–2011 og stjórnskipunar- og eftirlitsnefnd 2011–2013.

      Þingseta
      Innanríkisráðherra frá desember 2014.
      Alþingismaður Reykjavíkurkjördæmis suður 2009–2013.
      Alþingismaður Norðausturkjördæmis 2007–2009.