Þórdís Kolbrún Reykfjörð Gylfadóttir

Mig langar að hafa áhrif á þær leikreglur sem við setjum okkur og hef einlæga trú á því að Ísland geti verið enn betri staður til að búa á – fyrir alla. Ég hef trú á því að ég geti gert gagn og býð þess vegna fram krafta mína. Ég er lögfræðingur og starfaði sem framkvæmdastjóri þingflokks Sjálfstæðisflokksins eftir kosningar 2013 þangað til ég hóf störf sem aðstoðarmaður innanríkisráðherra í lok árs 2015 auk þess að hafa sinnt stundakennslu í stjórnskipunarrétti við lagadeild HR frá árinu 2013. Ég hef öðlast dýrmæta reynslu í störfum mínum fyrir þingflokkinn á Alþingi og í innanríkisráðuneytinu sem fer með stóra og mikilvæga málaflokka.

      • Sækist eftir 2. sæti í Norðvesturkjördæmi
      • Starfsheiti: Aðstoðarmaður innanríkisráðherra
      • Vefsíða: http://www.thordiskolbrun.is

Ástæða þess að ég býð mig fram er einföld: Ég hef áhuga á stjórnmálum, þau eru skemmtileg, krefjandi og gefandi. Ég trúi því að með einföldum og sanngjörnum leikreglum megi hvetja fólk áfram til góðra verka og verðmætasköpunar, öllum til heilla.
Ég er lögfræðingur og starfaði sem framkvæmdastjóri þingflokks Sjálfstæðisflokksins eftir kosningar 2013 þangað til ég hóf störf sem aðstoðarmaður innanríkisráðherra í lok árs 2015. Ég hef jafnframt kennt stjórnskipunarrétt sem stundakennari við lagadeild Háskólans í Reykjavík frá árinu 2013.
Ég hef öðlast dýrmæta reynslu í störfum mínum fyrir þingflokkinn á Alþingi og í innanríkisráðuneytinu sem fer með stóra og mikilvæga málaflokka eins og samgöngur, fjarskipti, löggæslu, mannréttindi og sveitarstjórnarmál.
Ég býð fram krafta mína á grundvelli sjálfstæðisstefnunnar, þeirra mannkosta sem ég hef og þeirri trú að ég gert gert gagn. Mig langar að hafa áhrif á þær leikreglur sem við setjum okkur og hef trú á því að Ísland geti verið enn betri staður til að búa á – fyrir alla. Ég vonast eftir að fá umboð til þess í 2. sæti.