Persónuvernd

Persónuvernd

Sjálfstæðisflokknum er umhugað um persónuvernd og réttindi flokksmanna varðandi meðferð og skráningu persónuupplýsinga. Þannig leggur flokkurinn ríka áherslu á að persónuupplýsingar séu unnar með lögmætum og gegnsæjum hætti og að ekki sé gengið lengra í söfnun persónuupplýsinga en nauðsynleg þörf krefur hverju sinni vegna starfsemi flokksins.

Persónuverndarstefna Sjálfstæðisflokksins

Hér er hægt að nálgast persónuverndarstefnu Sjálfstæðisflokksin.

Skráningarskilmálar og meðferð upplýsinga

Sjálfstæðisflokkurinn var stofnaður um tiltekin stefnumál og skoðanir. Ein af forsendum lýðræðis er að frjáls starfsemi um stjórnmálaskoðanir fái að þrífast. Flokknum er umhugað um að upplýsa flokksmenn um stefnu flokksins og það sem er að gerast á vettvangi flokksins á hverjum tíma. Í þeim tilgangi stendur flokkurinn fyrir víðtækri upplýsingamiðlun til flokksfélaga sinna.

Við skráningu í flokkinn er einungis safnað þeim upplýsingum sem flokknum eru nauðsynlegar, auk þess sem boðið er upp á að skrá símanúmer og netfang flokksmanna í þeim tilgangi að flokkurinn geti miðlað mikilvægum upplýsingum vegna starfsemi flokksins. Um meðferð slíkra upplýsinga gilda ákveðnir skilmálar sem nálgast má hér.

Aðgangur að persónuupplýsingum

Flokksmenn geta óskað eftir aðgangi að persónuupplýsingum sem veittar hafa verið flokknum eða flokkurinn hefur aflað sér. Beiðni um aðgang að upplýsingum er hægt að koma í farveg með því að:

  1. Koma á skrifstofu flokkins að Háaleitisbraut 1, Reykjavík og fylla út þar til gert eyðublað. Nauðsynlegt er að hafa persónuskilríki meðferðis.
  2. Senda töluvpóst á netfangið persónuvernd@xd.is og óska eftir því að eyðublað sé sent í netbanka. Eyðublaðið þarf að prenta út, fylla út og senda til Sjálfstæðisflokksins á framangreint heimilisfang.

Þegar beiðnin hefur borist flokknum mun móttaka hennar verða staðfest upplýsingar gefnar um næstu skref. Að jafnaði berst svar innan 30 daga frá móttöku beiðninnar.

Persónuverndarfulltrúi

Persónuverndarfulltrúi flokksins svarar öllum spurningum sem kunna að vakna varðandi persónuvernd gegnum netfangið personuvernd@xd.is