Birgir Ármannsson

RN_03_BirgirArmansson
Birgir Ármannsson

F. í Reykjavík 12. júní 1968. For.: Ármann Sveinsson (f. 14. apríl 1946, d. 10. nóv. 1968) laganemi og Helga Kjaran (f. 20. maí 1947) grunnskólakennari, dóttir Birgis Kjarans alþm. M. Ragnhildur Hjördís Lövdahl (f. 1. maí 1971). For.: Einar Lövdahl og Inga Dóra Gústafsdóttir. Dætur: Erna (2003), Helga Kjaran (2005), Hildur (2010).

Stúdentspróf MR 1988. Embættispróf í lögfræði HÍ 1996. Hdl. 1999. Framhaldsnám við King´s College, London, 1999-2000.

Blaðamaður á Morgunblaðinu 1988-1994. Starfsmaður Verslunarráðs Íslands 1995-2003, lögfræðingur ráðsins 1996-1998, skrifstofustjóri 1998-1999 og aðstoðarframkvæmdastjóri 2000-2003.

Formaður Heimdallar, félags ungra sjálfstæðismanna, 1989-1991. Í stjórn Vöku, félags lýðræðissinnaðra stúdenta, og í stúdentaráði Háskóla Íslands 1989-1991. Í umhverfismálaráði Reykjavíkur og skólanefnd Menntaskólans í Reykjavík 1990-1994. Í stjórn Sambands ungra sjálfstæðismanna 1991-1993 og 1995-1997. Í stjórn fulltrúaráðs sjálfstæðisfélaganna í Reykjavík 1989-1991 og Varðar, fulltrúaráðs sjálfstæðisfélaganna í Reykjavík, 1998-2000. Í miðstjórn Sjálfstæðisflokksins 1993-2003. Í skólanefnd Fjölbrautaskólans við Ármúla 1994-1999. Í stjórn Varðbergs, félags ungra áhugamanna um vestræna samvinnu, 1993-2000, formaður 1998-2000. Í stjórn ICEPRO, nefndar um rafræn viðskipti, 1998-1999 og 2002-2006. Í stjórn EAN á Íslandi 2003-2004. Í stjórn Fjárfestingarstofu 2003-2005. Í Þingvallanefnd síðan 2013.

Alþm. Reykv. s. 2003-2013, alþm. Reykv. n. síðan 2013 (Sjálfstæðisflokkur). 6. varaforseti Alþingis 2003-2005. 3. varaforseti Alþingis 2005-2007. Allsherjarnefnd 2003-2013 (form. 2007-2009), efnahags- og viðskiptanefnd 2003-2007, kjörbréfanefnd 2005-2011 og 2013, sérnefnd um stjórnarskrármál 2005-2007 (form. 2006-2007), 2009 (fyrri), 2009 (seinni), viðskiptanefnd 2007-2009, umhverfisnefnd 2009-2011, saksóknarnefnd 2010-2012, þingskapanefnd 2011-2013 og 2013-, stjórnskipunar- og eftirlitsnefnd 2011-2013, umhverfis- og samgöngunefnd 2011-2013 og 2013-, utanríkismálanefnd 2013- (form.). Íslandsdeild Vestnorræna þingmannaráðsins 2003-2005 (form.), Íslandsdeild Evrópuráðsþingsins 2005-2007 (form.), Íslandsdeild VES-þingsins 2007-2009, Íslandsdeild NATO-þingsins 2013-.