Einar Jón Pálsson

Einar Jón fæddist árið 1967 í Keflavík en ólst upp í Garðinum og hefur búið þar stærstan hluta ævinnar ef frá eru talin 6 ár í Reykjanesbæ og 4 ár í Danmörku.
Hann lauk sveinsprófi í rafvirkjun árið 1989 frá Fjölbrautaskóla Suðurnesja og Meistaranámi frá sama skóla 1994. Einar Jón starfaði í 10 ár sem rafvirki hjá Sigurði Ingvarssyni rafverktaka í Garði og síðan tvö ár hjá Varnaliðinu við verkáætlanagerð. Einar Jón fór erlendis til náms 1996 og útskrifaðist frá Syddansk Universitet Sønderborg í Danmörku með BSc próf í Rafmagnstæknifræði árið 2000. Eftir nám fluttist Einar heim og hóf störf hjá Kögun á Keflavíkurflugvelli. Kögun sameinaðist síðar Skýrr nú Advania og hefur Einar Jón frá árinu 2006 séð um stjórn og rekstur Fjarskiptastöðvarinnar við Grindavík fyrir Advania.
Einar Jón er í sambúð með Hildi Hauksdóttur kennara og eiga þau tvö börn, Unu Margréti f. 1998 og Eyþór Inga f. 2003.

Einar Jón hefur verið bæjarfulltrúi og áður hreppsnefndarmaður frá árinu 2002 er hann var kosinn fyrir F-listann sem þá var við stjórn. Alla tíð hefur hann viljað taka þátt til að geta lagt sitt af mörkum við að gera Garðinn að áhugaverðum og góðum stað að búa á.

Nefndir og ráð 2014-2018:

  • Forseti bæjarstjórnar
  • Fulltrúi á landsþing Sambands ísl. sveitarfélaga
  • Fulltrúi í skipulagsnefnd Keflavíkurflugvallar
  • Skipulags- og byggingarnefnd formaður
  • Stjórn Sambands sveitarfélaga á Suðurnesjum
  • Stýrihópur um Aðalskipulag Garðs
  • Varamaður í stjórn Dvalarheimila aldraðra á Suðurnesjum
  • Varamaður í Almannavarnarnefnd Suðurnesja
  • Varamaður í Menningarráði Suðurnesja
  • Varamaður í stjórn Heklu, atvinnuþróunarfélags Suðurnesja

Tölvupóstfang: einarjon@advania.is